O‘zbеkistоn Rеspublikаsi Favqulodda vaziyatlar vazirligi

Jizzax viloyati FVB boshlig‘i o‘rinbosari, Shaxsiy xavfsizlik bo‘limi katta ofitseri, Axborot xizmati boshlig‘i hamda Tibbiyot xizmati feldsheridan iborat ishchi guruh tomonidan navbatdagi o‘rganish ishlari Paxtakor tumani FV bo‘limida amalga oshirildi.

Tadbir davomida shaxsiy tarkib o‘rtasida korrupsiya va boshqa turdagi huquqbuzarliklarning oldini olish, xizmat intizomini mustahkamlash, xodimlar tomonidan qonunchilik talablariga qat’iy rioya etilishining ahamiyati yuzasidan tushuntirish ishlari olib borildi. Shuningdek, xodimlarni qiynab kelayotgan muammolar va mavjud masalalar o‘rganilib, ularning murojaat va takliflari tinglandi.

Ishchi guruh tomonidan qism hududidagi sanitariya-gigiyena holati ko‘zdan kechirilib, sog‘lom turmush tarzini targ‘ib qilish, yuqumli va mavsumiy kasalliklarning oldini olish, shaxsiy gigiyena qoidalariga rioya etish hamda birinchi tibbiy yordam ko‘rsatish bo‘yicha tavsiyalar berildi. Xodimlarning tibbiy bilimlarini oshirishga qaratilgan targ‘ibot-tushuntirish ishlari ham tashkil etildi.

Bundan tashqari, ma’naviy-ma’rifiy yo‘nalishda amalga oshirilayotgan ishlarning samaradorligini oshirish va shaxsiy tarkibning ma’naviy-ruhiy holatini yanada mustahkamlash bo‘yicha tegishli tavsiyalar berildi. Shu bilan birga xizmat faoliyatiga oid hujjatlarning yuritilish holati ham ko‘zdan kechirilib, aniqlangan kamchiliklarni bartaraf etish hamda ish faoliyatini yanada takomillashtirish yuzasidan mas’ullarga tegishli ko‘rsatmalar berildi.