Favqulodda vaziyatlar va Ichki ishlar organlari hamkorligida suvda cho‘kish bilan bog‘liq hodisalarning oldini olish masalalari muhokama qilindi
2026-06-11 12:40:00 / Yangiliklar
O‘tkazilgan videoselektor yig‘ilishida cho‘milish mavsumida suv obyektlaridagi vaziyat, sodir bo‘lgan hodisalar hamda ularning sabablari tahlil qilindi. Shuningdek, “Suv havzalarida xavfsizlik oyligi” doirasida amalga oshirilayotgan profilaktik tadbirlar muhokama qilinib, aholi o‘rtasida tushuntirish ishlarini kuchaytirish, ruxsat etilmagan joylarda cho‘milishning oldini olish va xavfli suv obyektlarini nazoratga olish bo‘yicha vazifalar belgilandi.
Yig‘ilish yakunida profilaktik reydlarni kengaytirish, targ‘ibot ishlarini faollashtirish hamda aholi xavfsizligini ta’minlash bo‘yicha chora-tadbirlar ijrosini kuchaytirish yuzasidan topshiriqlar berildi.
FVV fuqarolarni suv havzalarida xavfsizlik qoidalariga rioya qilishga, ruxsat etilmagan joylarda cho‘milmaslikka hamda voyaga yetmaganlarni nazoratsiz qoldirmaslikka chaqiradi.