“Qahramon xotirasi – qalblarda mangu” shiori ostida xotira tadbiri bo‘lib o‘tdi
2026-06-10 15:45:00 / Yangiliklar
Xorazm viloyatining Bog‘ot tumanida “Qahramon xotirasi – qalblarda mangu” shiori ostida marhum qutqaruvchi, Bog‘ot tumani Favqulodda vaziyatlar bo‘limi xodimi Samandarov Azamat Iskandarovich xotirasiga bag‘ishlangan xotira tadbiri bo‘lib o‘tdi.
Tadbirda marhumning mahalladoshlari, yaqinlari, safdoshlari, sinfdoshlari hamda soha vakillari ishtirok etib, uning hayot yo‘li, kasbiga sadoqati, xizmat faoliyati davomida ko‘rsatgan fidoyiligi va insoniy fazilatlarini yodga oldilar.
Tadbir davomida Azamat Samandarovning yorqin xotirasi ehtirom bilan tilga olinib, uning qutqaruvchilik kasbiga bo‘lgan sadoqati va jasorati yosh avlod uchun ibrat ekani ta’kidlandi.
Qahramonlar xotirasi qalblarda mangu yashaydi.
