FVV Maxsus muhandislik qurilish boshqarmasi tomonidan Surxondaryo viloyati Uzun tumanida qirg‘oq mustahkamlash tadbirlarini amalga oshirish bo‘yicha vazifalar belgilab olindi
2026-06-10 12:00:00 / Yangiliklar
Uchrashuv davomida joriy yilning may oyi oxirida kuzatilgan sel hodisalari oqibatlari hamda mazkur hududlarda sel kelishi ehtimoli mavjud bo‘lgan xavfli uchastkalarning bugungi holati atroflicha muhokama qilindi. Mutaxassislar tomonidan hududlar joyiga chiqib o‘rganilib, mavjud muammolar va xavf omillari tahlil qilindi.
Shuningdek, Suv xo‘jaligi vazirligining tumandagi mas’ul rahbarlariga o‘z balansidagi kanal va soylar o‘zanlarini qisqa muddatlarda tozalash, qirg‘oqlarni mustahkamlash hamda profilaktik tadbirlarni jadallashtirish yuzasidan tegishli topshiriqlar berildi.
Muloqot jarayonida mahalla raislari, ko‘chaboshilar va faollarning taklif hamda mulohazalari tinglandi. Yakunda sel va suv toshqinlari yuzaga kelishi mumkin bo‘lgan xavfli hududlarda o‘zanlarni tozalash, qirg‘oqlarni mustahkamlash hamda aholi xavfsizligini ta’minlashga qaratilgan chora-tadbirlarni amalga oshirish bo‘yicha ustuvor vazifalar belgilab olindi.