Jizzaxdagi bolalar dam olish oromgohlarida profilaktik tadbirlar tashkil etildi
2026-06-09 14:35:00 / Yangiliklar
Jizzax viloyati Favqulodda vaziyatlar boshqarmasi boshlig‘i rahbarligida hududdagi bolalar dam olish oromgohlarida favqulodda vaziyatlarning oldini olishga qaratilgan profilaktik tadbirlar tashkil etildi.
Tadbirlar davomida oromgohlarning yong‘in xavfsizligi holati, evakuatsiya yo‘laklari va chiqish eshiklarining sozligi, birlamchi yong‘in o‘chirish vositalarining mavjudligi hamda favqulodda vaziyatlarda harakat qilish tartiblari ko‘zdan kechirildi. Shuningdek, mas’ul xodimlar bilan profilaktik suhbatlar o‘tkazilib, bolalarning hayoti va salomatligini muhofaza qilish, suv havzalaridan foydalanishda xavfsizlik qoidalariga rioya etish yuzasidan tegishli ko‘rsatmalar berildi.