“Buxoro” bolalar dam olish oromgohida bolajonlarga zilzila vaqtida to‘g‘ri harakat qilish tartibi o‘rgatildi
2026-06-08 18:10:00 / Yangiliklar
Buxoro viloyati FVB tomonidan oromgoh xodimlari va bolajonlarga favqulodda vaziyat yuzaga kelganda bino ichida va tashqarida o‘zini tutish qoidalari, xavfsiz joylarga tezkor evakuatsiya qilish tartiblari hamda vahimaga berilmasdan to‘g‘ri qaror qabul qilish bo‘yicha tushuntirishlar berildi.
Shuningdek, shartli zilzila holati bo‘yicha amaliy mashg‘ulot o‘tkazilib, bolajonlarga zilzila paytida to‘g‘ri harakat qilish, xavfsiz joyga tezkor chiqish va evakuatsiya tartiblariga rioya etish ko‘nikmalari o‘rgatildi. Evakuatsiya jarayonida ular amalda ishtirok etib, to‘g‘ri harakat qilish bo‘yicha bilimlari mustahkamlandi.
Bunday o‘quv va targ‘ibot tadbirlari yozgi mavsum davomida bolalar dam olish oromgohlarida muntazam ravishda davom ettiriladi.