O‘zbеkistоn Rеspublikаsi Favqulodda vaziyatlar vazirligi

Vazir viloyat hududidagi qutqaruv qismlarida ham bo‘lib, favqulodda vaziyatlarga tezkor munosabat bildirishda muhim o‘rin tutuvchi maxsus texnika va jihozlarning holatini ko‘zdan kechirdi. Ularning shayligi, texnik imkoniyatlari hamda samarali foydalanish masalalariga alohida e’tibor qaratildi.

Shuningdek, mahallalarda Favqulodda vaziyatlar vazirligi Davlat nazorati inspektorlari uchun tashkil etilgan mahalla muhofazasi xonalari faoliyati ham o‘rganildi. Vazir ushbu maskanlarda xizmat olib borayotgan inspektorlarning kundalik faoliyati bilan yaqindan tanishib, aholining xavfsizlik madaniyatini yuksaltirish, profilaktik tadbirlar samaradorligini oshirish va favqulodda vaziyatlarning oldini olish borasida zarur tavsiya hamda ko‘rsatmalar berdi.