Qashqadaryo viloyati FVB mas’ullari tomonidan Qarshi tumanidagi yoqilg‘i quyish shoxobchalaridan birida yong‘in xavfsizligini ta’minlashga qaratilgan profilaktik tadbir o‘tkazildi
2026-06-03 12:20:00 / Yangiliklar
Tadbir davomida ishchi-xizmatchilarga yong‘in sodir bo‘lganda to‘g‘ri harakat qilish tartiblari, birlamchi yong‘in o‘chirish vositalaridan foydalanish hamda yong‘inni dastlabki bosqichda bartaraf etish bo‘yicha amaliy ko‘nikmalar berildi.
Shuningdek, hududdagi yong‘in xavfini keltirib chiqaruvchi omillar o‘rganilib, aniqlangan kamchiliklarni bartaraf etish yuzasidan tavsiyalar berildi. Fuqarolar va haydovchilarga yoqilg‘i quyish jarayonida yong‘in xavfsizligi qoidalariga qat’iy rioya etish bo‘yicha tushuntirish ishlari olib borildi.
Tadbir yakunida shartli yong‘in holati bo‘yicha o‘quv-amaliy mashg‘ulot tashkil etilib, xodimlarning favqulodda vaziyatlarda harakat qilish ko‘nikmalari sinovdan o‘tkazildi.