FVV Akademiyasida 1-iyun – Xalqaro bolalarni himoya qilish kuni munosabati bilan bolajonlar uchun bayram tadbiri tashkil etildi
2026-06-01 19:40:00 / Yangiliklar
Tadbir davomida bolajonlarga quvonch va koʻtarinki kayfiyat ulashish, ularning boʻsh vaqtini mazmunli tashkil etish hamda oilalarda mehr-oqibat va eʼtibor muhitini yanada mustahkamlashga alohida ahamiyat qaratildi.
Tadbir dasturi doirasida Akademiya Orkestr jamoasi ijrosidagi kuy-qoʻshiqlar, qiziqarli sahna chiqishlari, bolalar oʻrtasida turli qiziqarli musobaqalar, quvnoq tomoshalar hamda bayramona chiqishlar namoyish etildi. Shuningdek, bolajonlar uchun interaktiv oʻyinlar tashkil qilinib, faol ishtirokchilarga esdalik sovgʻalari topshirildi.
Bayram tadbirida harbiy xizmatchilar va xizmatchilar farzandlari bilan birgalikda faol ishtirok etib, farzandlar qalbida unutilmas taassurotlar uygʻotgan quvonchli lahzalarga sherik boʻldilar. Tadbir davomida bolalarning samimiy quvonchi va begʻubor kulgisi bayramga yanada fayz bagʻishladi.