Favqulodda vaziyatlar vazirining birinchi o‘rinbosari bolalar yozgi dam olish oromgohlarida o‘rganish ishlarini olib bordi
2026-05-28 16:20:00 / Yangiliklar
Favqulodda vaziyatlar vazirining birinchi o‘rinbosari Xorazm viloyati Shovot tumanidagi maktablarda tashkil etilgan bolalar yozgi dam olish oromgohlarida bo‘lib, bolalarning xavfsiz va mazmunli dam olishini ta’minlash maqsadida amalga oshirilayotgan ishlar bilan yaqindan tanishdi.
O‘rganish jarayonida oromgoh hududida favqulodda vaziyatlarning oldini olish borasida amalga oshirilgan ishlar, yong‘in xavfsizligini ta’minlash holati, evakuatsiya yo‘laklarining shayligi, birlamchi yong‘in o‘chirish vositalarining ishchi holatda ekanligi, shuningdek, bolalarning xavfsiz va mazmunli dam olishi uchun yaratilgan shart-sharoitlarga alohida e’tibor qaratildi.
Shuningdek, mutasaddilarga aniqlangan kamchiliklarni bartaraf etish, xavfsizlik choralarini yanada kuchaytirish hamda yozgi mavsumni betalofat o‘tkazish yuzasidan tegishli topshiriq va tavsiyalar berildi.