Samarqand viloyatida aholini va hududlarni favqulodda vaziyatlardan ishonchli muhofaza qilish maqsadida keng koʻlamli profilaktik va nazorat tadbirlari amalga oshirildi
2026-05-25 14:40:00 / Yangiliklar
Oʻrganishlar davomida yongʻin xavfsizligi talablariga rioya etilishi, evakuatsiya yoʻlaklarining holati, elektr jihozlari va tarmoqlaridan xavfsiz foydalanish, yongʻinga qarshi birlamchi vositalarning mavjudligi hamda favqulodda vaziyatlarda xizmatlarning tezkor harakat qilish imkoniyatlari koʻzdan kechirildi.
Shuningdek, istirohat bogʻlarida bolalarning dam olishini mazmunli va xavfsiz tashkil etish, attraksionlarning texnik sozligi hamda tashrif buyuruvchilar uchun yaratilgan sharoitlar yuzasidan mutasaddilarga tegishli tavsiya va koʻrsatmalar berildi.
Mutasaddi tashkilotlarga ommaviy tadbirlar davomida xavfsizlik qoidalariga qatʼiy amal qilish, fuqarolar hayoti va salomatligini ishonchli muhofaza qilish hamda har qanday favqulodda vaziyatlarga doimiy shay holatda boʻlish yuzasidan zarur topshiriqlar berildi.