Buxoro, Jizzax va Fargʻona viloyatlari FVB xodimlari tomonidan tegishli xizmatlar bilan hamkorlikda istirohat bogʻlarida oʻrganish ishlari olib borildi
2026-05-22 10:10:00 / Yangiliklar
Xususan, Buxoro shahar, Gʻallaorol va Soʻx tumanlarida “Soʻnggi qoʻngʻiroq”, “Xalqaro bolalar kuni” bayramlari hamda yoz mavsumini betalofat oʻtkazish maqsadida istirohat bogʻlaridagi attraktsion qurilmalarining texnik va xavfsizlik holati oʻrganildi.
Oʻrganishlar davomida mutaxassislar tomonidan attraktsionlarning texnik sozligi, elektr taʼminoti tizimlari, avariyaviy toʻxtatish mexanizmlari, yongʻin xavfsizligi talablariga rioya qilinishi hamda foydalanish jarayonida inson hayotiga xavf tugʻdirishi mumkin boʻlgan omillar atroflicha tekshirildi.
Tadbir yakunida masʼul tashkilotlar tomonidan aniqlangan kamchiliklarni bartaraf etish boʻyicha tegishli tavsiya va koʻrsatmalar berildi.