Qoraqalpog‘iston Respublikasi Nukus shahrida “Quvnoqlar va zukkolar – 2026” ko‘rik-tanlovining hududiy bosqichi o‘tkazildi
2026-05-19 18:35:00 / Yangiliklar
Joriy yilning 19-may kuni FVV tizimidagi yoshlarni vatanparvarlik ruhida tarbiyalash hamda ularning intellektual salohiyatini oshirish maqsadida Nukus shahrida “Quvnoqlar va zukkolar – 2026” ko‘rik-tanlovining hududiy bosqichi bo‘lib o‘tdi.
Tanlovda Xorazm, Navoiy va Buxoro viloyatlari FVB hamda Maxsus muhandislik-qurilish boshqarmasida xizmat qilayotgan yosh harbiy xizmatchilar va xizmatchilar ishtirok etdi. Yakuniy natijalarga ko‘ra:
🔹 1-o‘rinni Buxoro viloyatining “Minor” jamoasi;
🔹 2-o‘rinni Xorazm viloyatining “Xorazm resource time” jamoasi;
🔹 3-o‘rinni Navoiy viloyatining “Ichki olov” jamoasi egalladi.
Yakunda g‘olib va sovrindorlar diplom, tashakkurnoma hamda esdalik sovg‘alari bilan taqdirlandi.