Samarqand FVB tomonidan “Dolzarb 30 kun” oyligi doirasida profilaktik tadbirlar tizimli ravishda olib borilmoqda
2026-05-18 17:00:00 / Yangiliklar
Samarqand FVB tomonidan “Dolzarb 30 kun” oyligi doirasida Bulung‘ur va Oqdaryo tumanlarida favqulodda vaziyatlarning oldini olish hamda aholi o‘rtasida xavfsizlik madaniyatini oshirishga qaratilgan profilaktik tadbirlar tizimli ravishda olib borilmoqda.
Tadbirlar davomida savdo majmualari, ko‘p qavatli uylar, ta’lim va tibbiyot muassasalari hamda tadbirkorlik subyektlarida tushuntirish ishlari tashkil etilmoqda.
Fuqarolarga yong‘in xavfsizligi qoidalariga rioya qilish, elektr va gaz jihozlaridan xavfsiz foydalanish, favqulodda holatlarda to‘g‘ri harakat qilish tartiblari bo‘yicha tavsiyalar berilib, eslatma materiallari tarqatilmoqda.