Hududlarda huquqbuzarliklar profilaktikasi bo‘yicha tadbirlar o‘tkazildi
2026-05-07 21:05:00 / Yangiliklar
Jizzax, Toshkent, Sirdaryo, Farg‘ona, Navoiy, Samarqand viloyatlari FVB hamda "NKMK" AJ va "Navoiyuran" DK obyektlarida favqulodda vaziyatlar markazida huquqbuzarliklarning oldini olishga qaratilgan profilaktik tadbirlar o‘tkazildi.
Tadbir davomida mas’ullar tomonidan huquqbuzarliklarning oldini olishga qaratilgan tushuntirishlar berildi. Shuningdek, korrupsiyaning ayanchli oqibatlari real hayotiy misollar orqali yoritib berildi. Xodimlar o‘rtasida ochiqlik, halollik va adolat tamoyillariga amal qilish, xizmat jarayonida noqonuniy holatlarga yo‘l qo‘ymaslik zarurligi alohida ta’kidlandi.
Jarayon davomida xodimlarga halol mehnat qilish, xizmat vazifalarini vijdonan bajarish hamda belgilangan tartib-qoidalarga qat’iy rioya etish muhimligi yana bir bor tushuntirildi.