Sirdaryo va Jizzax viloyatlarida “Yangi O‘zbekistonning ibratli harbiy oilasi” ko‘rik-tanlovining hududiy bosqichi o‘tkazildi
2026-04-25 10:50:00 / Yangiliklar
Harbiy oilalar o‘rtasida o‘zaro do‘stona raqobat muhitida kechgan tanlovda ishtirokchilar bir nechta shartlar bo‘yicha o‘zaro bellashdi.
Ta’kidlash joizki, bunday tanlovlar — bu shunchaki bellashuv emas, balki harbiy xizmatchilar oilalari qalbini birlashtiruvchi, ularni sog‘lom turmush tarzi sari yetaklovchi ezgu tashabbusdir. Unda ota-onalarning farzand tarbiyasidagi mas’uliyati yanada teran anglanib, mehr va e’tibor ila boyiydi. Bu jarayonda oilalarda birdamlik rishtalari yanada mustahkamlanib, hamjihatlik ruhi yanada yuksaladi. Zero, mehr-muhabbat va o‘zaro ishonchga tayangan mustahkam oila — jamiyatning eng ishonchli tayanchidir!
G‘olib jamoalarga respublika bosqichida omad tilab qolamiz. Eslatib o‘tamiz, mazkur koʻrik-tanlovining respublika bosqichi joriy yilning 1-2-may kunlari Toshkent viloyatining Bo‘stonliq tumanida o‘tkaziladi.