Fuqaro muhofazasi institutida respublika miqyosidagi ilmiy-amaliy konferensiya o‘tkazildi
2026-04-24 17:10:00 / Yangiliklar
Fuqaro muhofazasi institutida “Aholi va hududlar seysmik xavfsizligini ta’minlashdagi muammolarni hal qilishga qaratilgan innovatsion yondashuvlar” mavzusida respublika miqyosidagi ilmiy-amaliy konferensiya o‘tkazildi.
Konferensiyada favqulodda vaziyatlarda ularning oldini olish va harakat qilish davlat tizimiga kiruvchi xizmatlar, vazirlik va idoralar, davlat qo‘mitalari, tashkilotlar vakillari, shuningdek, Fuqaro muhofazasi instituti professor-o‘qituvchilari hamda magistrantlari ishtirok etishdi.
Konferensiyani o‘tkazishdan asosiy maqsad - zilzilalar bilan bog‘liq favqulodda vaziyatlarning oldini olish va ularning oqibatlarini kamaytirishga qaratilgan innovatsion yondashuvlar yuzasidan fikr almashish, ilmiy va amaliy takliflarni muhokama qilishdan iborat.