“Yoshlar kuni” doirasida bir qator ma’naviy-ma’rifiy tadbirlar tashkil etildi.
2026-04-23 16:35:00 / Yangiliklar
Tadbirlar davomida rahbarlar yoshlar bilan samimiy muloqot olib borib, ularning muammo va takliflarini tingladilar. Ayrim masalalar joyida hal etildi, bildirilgan takliflar inobatga olinib, mas’ul xodimlarga tegishli ko‘rsatmalar berildi.
Shuningdek, uchrashuvlarda so‘zga chiqqan rahbarlar yoshlarni doimiy ravishda o‘z ustida ishlashga, bilim va ko‘nikmalarini oshirib borishga hamda mehnatsevar bo‘lishga chaqirdilar. Ular yoshlar uchun motivatsion fikrlar bildirib, hayotda qat’iyat va izchil harakat muhim ekanini ta’kidladilar.
Jarayon davomida qutqaruvchi kasbiga alohida to‘xtalib, uning naqadar sharafli va mas’uliyatli ekanini qayd etdilar. Inson hayotini saqlab qolish, ularga yordam berish har bir qutqaruvchi uchun yuksak faxr va sharaf bag‘ishlashi alohida ta’kidlandi.