Buxoro va Navoiy viloyatlari Favqulodda vaziyatlar boshqarma boshliqlari boshchiligida bozorlarda profilaktik tadbirlar va o‘quv mashqlari o‘tkazildi
2026-04-21 15:40:00 / Yangiliklar
Profilaktik tadbirlar davomida bozor hududlarida yong‘in va texnika xavfsizligi qoidalariga rioya etilishi atroflicha ko‘zdan kechirildi. Savdo rastalari, elektr jihozlari, gaz uskunalari hamda evakuatsiya yo‘laklarining holati mutaxassislar tomonidan o‘rganildi. Aniqlangan kamchiliklar yuzasidan mas’ullarga aniq topshiriqlar berilib, ularni bartaraf etish bo‘yicha muddatlar belgilandi hamda tushuntirish ishlari olib borildi.
O‘tkazilgan o‘quv mashqida esa favqulodda vaziyat sodir bo‘lgan taqdirda tezkor xizmatlarning o‘zaro hamkorligi amaliy jihatdan sinovdan o‘tkazildi. FVV rahbarligida tibbiyot xizmati va boshqa mutasaddi tashkilotlarning amaliy harakatlari bajarilib, unda aholini xavfsiz hududga evakuatsiya qilish, jabrlanganlarga birinchi yordam ko‘rsatish hamda yong‘inni bartaraf etish bo‘yicha aniq harakatlar amalga oshirildi.