FVV Akademiyasida “Faxriylar jasorati – yoshlar uchun ibrat maktabi” mavzusida ma’naviy-ma’rifiy tadbir tashkil etildi. Unda, faxriylar va Akademiya kursantlari ishtirok etdi.
2026-04-21 10:05:00 / Yangiliklar
Shuningdek, Akademiyada faoliyat olib borayotgan — iste'fodagi polkovnik Gafurov Bahodir Berdiyevich, iste'fodagi polkovnik Boltaboyev Raxmatilla Boltaboyevich hamda iste'fodagi polkovnik Qulmatov Rovshan Sultonovichlar tomonidan ma’ruza qilinib, bugungi kunda favqulodda vaziyatlar tizimida olib borilayotgan islohotlar, zamonaviy yondashuvlar hamda kadrlar tayyorlash jarayonidagi ustuvor vazifalar haqida batafsil ma’lumotlar berildi.
Tadbir davomida yoshlar tomonidan berilgan savollarga faxriylar tomonidan atroflicha javoblar qaytarilib, ochiq muloqot ruhida kechgan uchrashuv barchada katta taassurot qoldirdi.
Mazkur ma’naviy-ma’rifiy tadbir yoshlarni Vatanga muhabbat, kasbga sadoqat va mas’uliyat ruhida tarbiyalash, shuningdek, faxriylar tajribasini yosh avlodga yetkazish borasida muhim ahamiyat kasb etadi.