Uchtepa tumanida kriminogen holat, jinoyat va huquqbuzarliklarga qarshi kurashish borasida 2026-yilning I choragida amalga oshirilgan ishlar hamda yo‘l qo‘yilgan kamchiliklar yuzasidan tanqidiy yig‘ilish bo‘lib o‘tdi
2026-04-18 15:45:00 / Yangiliklar
Joriy yilning 18-aprel kuni Favqulodda vaziyatlar vaziri o‘rinbosari, polkovnik X.T. Sotiyev, Toshkent shahar IIBB boshlig‘ining o‘rinbosari, polkovnik D.M. Mirsadikov hamda tuman IIO FMB boshlig‘i, podpolkovnik A.A. Baxramov huzurida Uchtepa tumanining kriminogen holati, jinoyatchilik va huquqbuzarliklarning oldini olish borasida 2026-yilning dastlabki uch oyi davomida amalga oshirilgan ishlar va mavjud kamchiliklarga bag‘ishlangan tanqidiy yig‘ilish o‘tkazildi.
Yig‘ilish davomida tuman IIO FMB tomonidan barcha yo‘nalishlarda amalga oshirilgan ishlar tahlil qilinib, aniqlangan kamchiliklar yuzasidan tegishli fikr va e’tirozlar bildirildi. Shuningdek, 2026-yilning II choragini ijobiy natijalar bilan yakunlash, I chorakda yo‘l qo‘yilgan kamchiliklarni tezkor bartaraf etish va ularning takrorlanishiga yo‘l qo‘ymaslik bo‘yicha aniq topshiriq hamda ko‘rsatmalar berildi.
Shu bilan birga, Favqulodda vaziyatlar vazirligi ofitserlari va kursantlarining tumanda huquqbuzarliklar profilaktikasiga qo‘shayotgan hissasi alohida e’tirof etilib, vazirlik rahbariyatiga minnatdorchilik bildirildi.
Yig‘ilish jarayonida O‘zbekiston Respublikasi IIV SHXBB Toshkent shahar boshqarmasi mas’ul xodimi tomonidan tumanda 2026-yilning dastlabki uch oyi davomida aniqlangan xizmat intizomi buzilishi va qonunbuzarliklar yuzasidan amalga oshirilgan ishlar bo‘yicha tahliliy fikr va mulohazalar bildirildi.
Yig‘ilish yakunida bosh boshqarma boshlig‘ining o‘rinbosari hamda tuman boshqarma boshlig‘i tomonidan I chorak davomida kamchiliklarga yo‘l qo‘ygan xodimlarga nisbatan tegishli intizomiy choralar ko‘rildi. Shuningdek, yuqori natijalarga erishgan xodimlar rag‘batlantirildi.