Sohibqiron Amir Temur tavalludining 690 yilligiga bag‘ishlangan ma’naviy-ma’rifiy mashg‘ulotlar, davra suhbatlari va badiiy-maʼrifiy tadbirlar tashkil etildi
2026-04-03 19:30:00 / Yangiliklar
Favqulodda vaziyatlar vazirligi tizimida “Ma’naviy yuksalish va vatanparvarlik kuni” doirasida Sohibqiron Amir Temur tavalludining 690 yilligiga bag‘ishlangan ma’naviy-ma’rifiy mashg‘ulotlar, davra suhbatlari va badiiy-maʼrifiy tadbirlar tashkil etildi.
Temurshunos olimlar, yozuvchilar va sanʼatkorlar ishtirokida o‘tkazilgan tadbirlarda Sohibqiron Amir Temurning shaxsiyati, buyuk ajdodimizning bashariyat tarixi va Turon tamaddunidagi oʻrni hamda temuriylarning boy va betakror merosi ochib berildi. Bu kabi uchrashuvlar, o‘z navbatida, buyuk ajdodimiz asos solgan Ikkinchi Uygʻonish davrining milliy va umuminsoniy mohiyatini anglash, milliy g‘urur va iftixor tuyg‘ularini mustahkamlashda muhim ahamiyat kasb etadi.