Samarqand, Buxoro, Farg‘ona viloyatlari FVB tomonidan “Yoshlar kuni” munosabati bilan “Rahbar va yoshlar”, “Uch avlod” uchrashuvlari hamda boshqa ma’naviy-ma’rifiy tadbirlar o‘tkazildi
2026-04-02 13:10:00 / Yangiliklar
Yoshlar kuni munosabati bilan Buxoro, Samarqand, Farg‘ona viloyatlarida “Rahbar va yoshlar”, “Uch avlod” uchrashuvlari hamda davra suhbatlari tashkil etildi. Tadbirlar davomida otaliqqa olingan yoshlar, uyushgan va uyushmagan yoshlar ishtirok etdi.
Uchrashuvlar jarayonida rahbarlar tomonidan o‘zlarining bosib o‘tgan hayot yo‘llari, kasbiy faoliyatlari davomida orttirgan tajribalari haqida so‘z yuritilib, yoshlar bilan samimiy muloqot qilindi. Shuningdek, yoshlarga vatanparvarlik ruhini mustahkamlash, bilim olishga intilish, kasb-hunar egallash hamda jamiyat hayotida faol bo‘lish muhimligi haqida tavsiyalar berildi.