Favqulodda vaziyatlar vazirligining hududiy bosh boshqarmalari, boshqarmalari hamda tarkibiy tuzilmalarida huquqbuzarliklarning oldini olishga qaratilgan profilaktik tadbirlar o‘tkazildi
2026-03-26 16:35:00 / Yangiliklar
Mazkur tadbirlar doirasida shaxsiy tarkib o‘rtasida xizmat intizomi va qonuniylikni mustahkamlash, korrupsiya holatlarining oldini olish hamda huquqbuzarliklarning barvaqt profilaktikasini ta’minlashga alohida e’tibor qaratildi.
Tadbirlar jarayonida xodimlarga amaldagi qonunchilik talablari, xizmat odobi va etikasi, shuningdek xizmat faoliyatida mas’uliyatni yanada oshirish masalalari yuzasidan tushuntirish ishlari olib borildi.
Shuningdek, ochiq muloqotlar, davra suhbatlari hamda profilaktik uchrashuvlar tashkil etilib, xodimlar tomonidan yo‘l qo‘yilishi mumkin bo‘lgan turli huquqbuzarliklarning oldini olish, xizmat faoliyatini halollik va shaffoflik tamoyillari asosida olib borish zarurligi ta’kidlandi.