Hududlarda “Yoshlar kuni” munosabati bilan ma’naviy-ma’rifiy tadbirlar o‘tkazildi
2026-03-26 15:15:00 / Yangiliklar
Yoshlar kuni munosabati bilan Farg‘ona, Namangan, Andijon, Xorazm va Navoiy viloyatlarida “Rahbar va yoshlar”, “Uch avlod” uchrashuvlari hamda davra suhbatlari tashkil etildi. Tadbirlar davomida otaliqqa olingan yoshlar, volontyor yoshlar, shuningdek uyushgan va uyushmagan yoshlar faol ishtirok etdi.
Uchrashuvlar jarayonida rahbarlar tomonidan o‘zlarining bosib o‘tgan hayot yo‘llari, kasbiy faoliyatlari davomida orttirgan tajribalari haqida so‘z yuritilib, yoshlar bilan samimiy muloqot qilindi. Shuningdek, yoshlarga vatanparvarlik ruhini mustahkamlash, bilim olishga intilish, kasb-hunar egallash hamda jamiyat hayotida faol bo‘lish muhimligi haqida tavsiyalar berildi.