Toshkent viloyati Favqulodda vaziyatlar bosh boshqarmasi tomonidan tegishli tashkilotlar bilan hamkorlikda “Maksam-Chirchiq” AJ hududida maxsus-taktik o‘quv mashqi o‘tkazildi
2026-03-18 15:15:00 / Yangiliklar
Mazkur o‘quv mashqida obyekt yig‘ma komandasi hamda FVDqT xizmatlarining o‘zaro hamkorlikdagi harakatlari amaliy jihatdan sinovdan o‘tkazildi.
Mashq davomida shartli ravishda yuzaga kelgan kimyoviy avariya oqibatlarini bartaraf etish bo‘yicha amaliy harakatlar bajarildi. Jumladan, avariya hududini zararsizlantirish, favqulodda vaziyat oqibatlarini tezkor va samarali bartaraf etish, jabrlanganlarga birinchi tibbiy yordam ko‘rsatish hamda boshqa zarur chora-tadbirlar amalga oshirildi.
O‘quv mashqi davomida ishtirokchi xizmatlarning tezkorligi, o‘zaro hamkorligi va favqulodda vaziyatlarda harakat qilish ko‘nikmalari mustahkamlandi.