Bugun, Favqulodda vaziyatlar vazirligining hududiy bosh boshqarmalari, boshqarmalari hamda tarkibiy tuzilmalarida korrupsiya va turli huquqbuzarliklarning oldini olishga qaratilgan profilaktik tadbirlar o‘tkazildi
2026-03-12 20:35:00 / Yangiliklar
Tadbirlarda mas’ul xodimlar tomonidan korrupsiyaning jamiyat va davlat taraqqiyotiga yetkazadigan salbiy ta’siri, uning ayanchli oqibatlari hamda bunday holatlarning oldini olish masalalari haqida atroflicha tushuntirishlar berildi. Shuningdek, xizmat faoliyatida halollik, pok vijdon bilan ishlash, xizmat intizomiga qat’iy rioya qilish, qonun ustuvorligini ta’minlash har bir xodimning asosiy burchi ekani alohida ta’kidlab o‘tildi.
Tadbir davomida mas’ul mutaxassislar tomonidan hayotiy va real misollar keltirilib, korrupsiyaviy holatlarga yo‘l qo‘ymaslik, xizmat vazifalarini vijdonan bajarish, davlat va jamiyat manfaatlarini ustuvor qo‘yish zarurligi haqida tushunchalar berildi. Shu bilan birga, xodimlarning huquqiy ongi va madaniyatini yuksaltirish, xizmat intizomini mustahkamlash hamda shaffoflik va ochiqlik tamoyillariga amal qilish muhim ekani ta’kidlandi.