Maktabgacha va maktab taʼlimi vazirligi markaziy apparati binosida oʻquv mashg‘ulotlari oʻtkazildi
2026-03-10 18:30:00 / Yangiliklar
Favqulodda vaziyatlar vazirligi tomonidan Maktabgacha va maktab taʼlimi vazirligi markaziy apparati binosida yongʻin va boshqa favqulodda vaziyatlar sodir boʻlganda fuqaro muhofazasi va yongʻin xavfsizligini taʼminlashga qaratilgan oʻquv mashg‘ulotlari oʻtkazildi.
Tadbirda bino ichidagi xodimlarni xavfsizlik qoidalariga rioya qilgan holda xavfsiz hududga shartli evakuatsiya qilish ishlari olib borildi. Shuningdek, favqulodda vaziyatlarda binoni xavfsiz tark etish, jarohatlangan bemorlarga dastlabki tibbiy yordam koʻrsatish hamda yongʻin xavfsizligiga qatʼiy rioya qilish boʻyicha mutaxassislar tomonidan xodimlarga muhim tavsiyalar berib oʻtildi.