Favqulodda vaziyatlar vaziri general-mayor A.I.Ikramov “Qamchiq” dovonida doimiy shay holatda bo‘lgan qutqaruvchilar faoliyatini yaqindan o‘rgandi.
2026-03-05 20:20:00 / Yangiliklar
O‘rganishlar davomida vazir tomonidan dovon hududida olib borilayotgan xizmat faoliyati, navbatchilik maskanida tashkil etilgan isinish punktlari atroflicha ko‘zdan kechirildi. Qutqaruvchilar uchun yaratilgan shart-sharoitlar, ularning xizmatni samarali va xavfsiz olib borishlari uchun zarur infratuzilma hamda maishiy qulayliklar ham o‘rganildi.
Shuningdek, avariya-qutqaruv otryadi tomonidan ko‘rgazmali mashg‘ulot o‘tkazilib, favqulodda vaziyatlarda harakat qilish tartibi, tezkorlik va hamjihatlik namoyish etildi. Ushbu mashq orqali qutqaruvchilarning jangovar tayyorgarlik darajasiga baho berildi.
Tadbir doirasida “Qamchiq” dovonida joylashgan qutqaruv otryadi hamda qidiruv-qutqaruv otryadining maxsus texnikalari, zamonaviy asbob-anjomlari va himoya vositalari batafsil o‘rganildi. Ularning texnik holati, doimiy shayligi va amaliyotga tayyorligi yuzasidan mas'ullarga tegishli tavsiyalar berildi.