Shuningdek tadbir davom ettirilib, "O‘rdabog‘" MFY hududida joylashgan ko‘p qavatli uylarda shartli ravishda yuzaga kelishi mumkin bo‘lgan yong‘in va zilzila holatlarida fuqarolarni qutqarish hamda ularga amaliy yordam ko‘rsatish bo‘yicha amaliy mashq tashkil etildi.

So‘ngra, tuman hududidagi 1-sonli umumiy o‘rta ta’lim maktabida o‘qituvchi va o‘quvchilar ishtirokida favqulodda vaziyatlar yuzaga kelganda, xususan zilzila vaqtida to‘g‘ri harakatlanish bo‘yicha amaliy mashg‘ulotlar o‘tkazildi.

Bundan tashqari, tuman hududidan oqib o‘tuvchi "Norin" daryosining chap qirg‘oqlarini mustahkamlash hamda damba tiklash ishlari yuzasidan o‘rganishlar olib borildi. Tadbirlar davomida "Turkiston" MFY hududida qurilayotgan ko‘p qavatli uylarning qurilish jarayoni va sifati ham o‘rganilib, tegishli tavsiyalar berildi.