Favqulodda vaziyatlar vaziri general-mayor A.I.Ikramov Sirdaryo viloyatida mahallada shakllantirilgan yoshlardan iborat “Favqulodda vaziyatlar volontyor”lari bilan uchrashdi
2026-03-03 13:20:00 / Rahbariyatning bayonotlari va nutqlari
Uchrashuv davomida Vazir yosh volontyorlar bilan ochiq va samimiy suhbat qurib, ularning takliflarini tingladi. Shuningdek, masʼullarga volontyorlik guruhlari faoliyatida “mahalla – volontyor – davlat inspektori” uzviy hamkorligini samarali yoʻlga qoʻyishni, ularning koʻmagida mahallani favqulodda vaziyatlardan xoli hududga aylantirishga qaratilgan “Biz birgamiz!” harakatini amalga oshirishni taʼkidladi.
Favqulodda vaziyatlarning oldini olish va bartaraf etishda faollik koʻrsatgan, natijalari bilan boshqalarga oʻrnak boʻlgan yosh volontyorlarga beriladigan imtiyozlarga alohida toʻxtalib oʻtdi.
Shundan soʻng, mahallalarda tashkil etilgan “Mahalla muhofazasi” xonalarini koʻzdan kechirib, mahallalarda amalga oshirilayotgan profilaktik tadbirlar yuzasidan taqdimot bilan tanishdi. Bu borada FVB rahbarlari va masʼullarga profilaktik tadbirlarni samarali tashkil etish maqsadida natijadorlikni oshirish yuzasidan koʻrsatmalar berildi.