Fargʻona viloyatida otaliqqa olingan yoshlar bilan ishlash tizimini yanada takomillashtirish maqsadida masʼul rahbar va ofitserlar ishtirokida keng koʻlamli seminar tashkil etildi.
2026-03-02 16:40:00 / Yangiliklar
Mazkur seminarda Favqulodda vaziyatlar vazirining birinchi oʻrinbosari, tegishli vazirlik va idoralar rahbarlari oʻrinbosarlari, viloyatdagi barcha huquqni muhofaza qiluvchi organlar vakillari hamda yoshlar biriktirilgan masʼul ofitserlar ishtirok etdi.
Tadbirning asosiy maqsadi – otaliqqa olingan yoshlar bilan manzilli, tizimli va samarali ishlash mexanizmlarini kuchaytirish, ularning muammo va ehtiyojlarini oʻz vaqtida aniqlab, amaliy yordam koʻrsatish choralarini muhokama qilishdan iborat boʻldi.
Shuningdek, manzilli ishlash jarayonida aniqlangan muammolar, ularni bartaraf etish boʻyicha taklif va tavsiyalar, ilgʻor tajribalar almashildi. Masʼul ofitserlar tomonidan har bir yosh bilan individual reja asosida ishlash, ularning qiziqish va salohiyatidan kelib chiqib aniq choralar belgilash zarurligi taʼkidlandi.
Tadbir yakunida otaliqqa olingan yoshlar bilan ishlash samaradorligini oshirish, idoralararo hamkorlikni mustahkamlash va nazorat mexanizmlarini kuchaytirish boʻyicha aniq vazifalar belgilab olindi. Seminar ishtirokchilari tomonidan bu boradagi ishlarni yangi bosqichga olib chiqish yuzasidan kelgusidagi ustuvor yoʻnalishlar belgilandi.