Favqulodda vaziyatlar vaziri general-mayor A.I. Ikramov Surxondaryo viloyatida “Mahalla muhofazasi” loyihasi doirasida amalga oshirilayotgan ishlar bilan tanishdi
2026-02-27 16:00:00 / Rahbariyatning bayonotlari va nutqlari
Jarayonda vazir “Mahalla muhofazasi” xodimlari bilan uchrashib, mahallalarda amalga oshirilayotgan profilaktik tadbirlarni samarali tashkil etish maqsadida fuqarolar bilan yaqin hamkorlikda ishlash orqali ko‘zlangan maqsad va ijobiy natijalarga erishish mumkinligini ta’kidladi. Shu bilan birga, xodimlarning xizmat ko‘rsatishda foydalanadigan maxsus texnikalari va asbob-anjomlarini ko‘zdan kechirdi.
Shundan so‘ng hududlardagi qutqaruv qismlariga borildi va shaxsiy tarkib bilan uchrashuvlar o‘tkazilib, maxsus texnikalar va asbob-anjomlarning shayligi, xizmatni olib borilishi hamda shaxsiy tarkibga yaratilgan shart-sharoitlar o‘rganildi. Shuningdek, FVB rahbarlariga favqulodda vaziyatlarning oldini olish va ularni bartaraf etish borasida samaradorlikni oshirish yuzasidan ko‘rsatmalar berildi.