O‘zbеkistоn Rеspublikаsi Favqulodda vaziyatlar vazirligi

Dastlab, yoshlar o‘quv minorasining 4-qavatidan jabrlanganni qutqarish hamda o‘zini-o‘zi qutqarish bo‘yicha amaliy mashg‘ulotlarni kuzatdilar. Bu jarayonda tezkorlik, qat’iyat va professional mahorat uyg‘unligi namoyon bo‘ldi. Undan tashqari yong‘in-qutqaruv maxsus texnikalarining texnik xususiyatlari va shartli yongʻin sodir boʻlganda kursantlarning  jangovar yoyilishi ko‘rgazmasi esa yoshlarni sohaga boʻlgan qiziqishlarini yanada oshishiga sabab boʻldi.

Shundan so‘ng, zamonaviy qutqaruv texnikalari namoyish etildi. Har bir texnik vositaning imkoniyati, favqulodda vaziyatlardagi o‘rni va samaradorligi haqida batafsil ma’lumot berildi. Shuningdek yoshlar Axborot-resurs markazida tashkil etilgan kitobxonlik soatlarida ishtirok etib, qutqaruvchilik, yongʻin xavfsizligi, fuqaro muhofazasi, huquqshunoslikka oid va turli  badiiy adabiyotlar bilan yaqindan tanishdilar. O‘quv auditoriyalarida kursantlarning dars jarayonini kuzatish orqali yoshlar oʻzlari uchun motivatsiya oldilar.

Yakunda sport va intellektual tanlovlarda yuqori natijalarga erishgan yoshlar Akademiya rahbariyati tomonidan tantanali ravishda taqdirlandi. Orkestr jamoasining konsert dasturi esa tadbirni ko‘tarinki ruhda yakunladi. Mazkur tadbir yoshlar qalbida qat’iy ishonch uyg‘otdi. Zero, "Qutqaruvchi" bo‘lish – bu sharaf, bu mas’uliyat, bu Vatan oldidagi burchdir.