Buxoro viloyati Favqulodda vaziyatlar boshqarmasi boshlig‘i rahbarligida maxsus-taktik o‘quv mashqlari o‘tkazildi
2026-02-25 17:05:00 / Yangiliklar
Buxoro viloyati Favqulodda vaziyatlar boshqarmasi boshlig‘i rahbarligida Respublika ixtisoslashgan onkologiya va radiologiya markazi Buxoro filialida "Favqulodda vaziyatlar hamda yong‘inlarning oldini olish va ularning oqibatlarini bartaraf etish" mavzusida maxsus-taktik o‘quv mashqlari o‘tkazildi.
Mazkur o‘quv mashqlari davomida shifoxona hududida yuzaga kelishi mumkin bo‘lgan favqulodda vaziyatlarda tezkor-qutqaruv kuch va vositalarining hamkorlikdagi harakatlari amaliy tarzda sinovdan o‘tkazildi. Unda, shartli yong‘inni bartaraf etish, bemorlar va tibbiyot xodimlarini bosqichma-bosqich evakuatsiya qilish, birlamchi yong‘in o‘chirish vositalaridan to‘g‘ri foydalanish, favqulodda vaziyatlarda tezkor axborot almashinuvi va boshqaruvni tashkil etish masalalari amaliy ko‘rib chiqildi.
O‘quv mashqlari yakunida aniqlangan kamchiliklar tahlil qilinib, ularni bartaraf etish bo‘yicha aniq vazifalar belgilab olindi.