Samarqand viloyati FVB tomonidan yong‘in, is gazidan zaharlanish hamda gaz-havo aralashmasi chaqnashining oldini olishga qaratilgan keng qamrovli profilaktik tadbirlar olib borilmoqda
2026-02-13 19:45:00 / Yangiliklar
Tadbirlar davomida soha xodimlari tomonidan mahallalarda xonadonbay profilaktik o‘rganish ishlari amalga oshirilib, aholi yashash xonadonlarining yong‘in xavfsizligi holati, isitish moslamalaridan foydalanish qoidalari, elektr tarmoqlarining sozligi hamda gaz jihozlarining texnik holati atroflicha ko‘zdan kechirildi.
Shuningdek, fuqarolarga favqulodda vaziyatlarning oldini olish, yong‘in xavfsizligi qoidalariga rioya etish, is gazidan zaharlanish holatlarining oldini olish hamda turli tabiiy va texnogen xavflar yuzaga kelganda to‘g‘ri harakat qilish bo‘yicha tushuntirish ishlari olib borildi.