Toshkent shahar FVBB boshligʻi tomonidan Sergeli tumanida otaliqqa olingan yoshlar bilan "Rahbar va Yoshlar" uchrashuvi oʻtkazildi
2026-02-13 15:50:00 / Yangiliklar
Unda Bosh boshqarma boshligʻi oʻzining koʻp yillik xizmat faoliyati, favqulodda vaziyatlarni bartaraf etish jarayonidagi sinovli lahzalar, jasorat va matonat talab etgan voqealar haqida soʻzlab berdi.
Uchrashuv davomida eng ogʼir damlarda ham tushkunlikka tushmaslik, vaziyatni toʼgʼri baholay olish va masʼuliyatni his qilish har bir yoshning hayotiy tamoyili boʼlishi kerakligi, har qanday muvaffaqiyatsizlik keyingi katta gʼalaba uchun zamin ekanligi, asosiysi — toʼxtab qolmasdan, oʼz ustida ishlashda davom etish lozimligi, murakkab sharoitda hissiyotlarga berilmasdan, aql bilan ish tutish sirlari haqida hayotiy misollar keltirildi.
Bu kabi samimiy muloqot otaliqqa olingan yoshlarda oʼziga boʼlgan ishonchni mustahkamlash bilan birga, har qanday toʼsiqni bilim va iroda bilan yengish mumkinligini yana bir bor isbotladi.