Qoraqalpog‘iston Respublikasi va Xorazm viloyati FVBlari tomonidan "Uch avlod" va "Rahbar va yoshlar" uchrashuvlari ma'naviy -ma'rifiy tadbirlari o‘tkazildi
2026-02-06 15:05:00 / Yangiliklar
Tadbirlar davomida so‘zga chiqqan soha faxriylari o‘zlarining ko‘p yillik xizmat faoliyati, favqulodda vaziyatlarni bartaraf etish jarayonidagi sinovli lahzalar, jasorat va matonat talab etgan voqealar haqida so‘zlab berdilar. Ularning hayotiy tajribasi, xizmat yo‘lidagi ibratli faoliyati yoshlarda katta qiziqish uyg‘otdi hamda ochiq muloqot tarzida savol-javoblar tashkil etildi.
“Rahbar va yoshlar” uchrashuvlarida esa boshqarma rahbariyati tomonidan yosh xodimlarning xizmat faoliyati, kasbiy malakasini oshirish, zamonaviy bilim va ko‘nikmalarni egallashi, shuningdek, ularning bo‘sh vaqtini mazmunli tashkil etish masalalariga alohida e’tibor qaratildi. Yoshlar o‘zlarini qiziqtirgan savollar, taklif va tashabbuslari bilan faol ishtirok etdilar.