Favqulodda vaziyatlar vaziri birinchi oʻrinbosarining Toshkent shahridagi obyektlarda yongʻin xavfsizligi holatini oʻrganish ishlar davom etmoqda
2026-02-05 18:40:00 / Yangiliklar
Oʻrganishlar davomida mazkur obyektlarda oʻrnatilgan avtomatik yongʻin oʻchirish tizimlari, yongʻin haqida avtomatik xabar berish vositalari, zaxira evakuatsiya yoʻlaklari, ichki yongʻin oʻchirish joʻmraklari, birlamchi yongʻin oʻchirish vositalari hamda boshqa yongʻinga qarshi inventarlarning mavjudligi koʻzdan kechirildi.
Jarayonda insonlar hayoti va sogʻligiga xavf solib, yongʻin xavfsizligi talablari qoʻpol ravishda buzilgan qoidabuzarliklar boʻyicha savdo koʻngilochar majmuasining bolalar oʻyingohi pavilyonining faoliyati aniqlangan kamchiliklar bartaraf etilguniga qadar vaqtinchalik toʻxtatildi.
Shuningdek, obyektlarning ishchi-xodimlari bilan favqulodda vaziyatlar, jumladan yongʻin sodir boʻlganda toʻgʻri va tezkor harakat qilish, fuqarolar xavfsizligini taʼminlash hamda yongʻin xavfsizligi qoidalariga qatʼiy rioya etish masalalarida tushuntirish va yoʻriqnoma ishlari olib borildi.