Favqulodda vaziyatlar vaziri general-mayor A.I.Ikramov videoselektor yigʻilish oʻtkazdi
2026-02-05 13:05:00 / Yangiliklar
Eslatib oʻtamiz, mazkur qarorga muvofiq bugungi kunda barcha hududlarda favqulodda vaziyatlar organlari davlat nazorati inspektorlari bevosita mahallalarda manzilli profilaktika tadbirlarni samarali tashkil etish borasida pastga tushib, “mahallabay” va “xonadonbay” tartibda ishlarni amalga oshirmoqda.
Bu borada vazir favqulodda vaziyatlar yuz berish xavfi yuqori boʻlgan “qizil” va “sariq” toifaga kiritilgan mahallalarni muntazam ravishda “xonadonbay” oʻrganib borish va aniqlangan muammolarni bartaraf etish boʻyicha qoʻshimcha topshiriqlar berdi. Xususan, davlat nazorati inspektorlariga aholi yashash xonadonlarida yuzaga kelishi mumkin boʻlgan yongʻin, chaqnash, is gazidan zaharlanish va boshqa favqulodda vaziyatlarning oldini olishga qaratilgan profilaktik tadbirlarni kuchaytirish vazifalari belgilandi.
Shuningdek, yigʻilishda hududlarda aholi hayoti va sogʻligiga xavf solib, yongʻin xavfsizligi talablariga rioya etmasdan faoliyat yuritayotgan yirik savdo komplekslari, savdo-koʻngilochar markazlari, umumiy ovqatlanish shoxobchalari va boshqa turdagi tadbirkorlik subyektlarida profilaktik tadbirlarni kuchaytirilgan tartibda olib borish boʻyicha aniq topshiriqlar berildi.