Favqulodda vaziyatlar vazirining birinchi o‘rinbosari rahbarligida Toshkent shahar FVBB hamda FVDqT tarkibiga kiruvchi korxona va tashkilotlar hamkorligida Toshkent shahrida joylashgan “Issiqlik elektr markazi” AJda maxsus taktik mashq o‘tkazildi.  Mazkur mashq majmuada yuzaga kelishi mumkin bo‘lgan favqulodda vaziyatlarda tezkor harakat qilish, kuch va vositalarning shayligini baholash, shuningdek, majmua ishchi-xizmatchilarini favqulodda vaziyatlar sodir bo‘lganida harakat qilish bo‘yicha ko‘nikmalarini mustahkamlash maqsadida tashkil etildi.

Jarayon davom ettirilib, Toshkent shahrida joylashgan “NEXT” ko‘ngilochar savdo kompleksida aholini xavfsiz hududga zudlik bilan evakuatsiya qilishga qaratilgan profilaktik o‘rganish tadbirlari o‘tkazildi.  Shuningdek, obyektning ishchi-xodimlariga favqulodda vaziyatlarda to‘g‘ri harakat qilish va yong‘in xavfsizligini ta'minlash yuzasidan yo‘riqnoma o‘tkazish orqali tushuntirildi.