Hududlarda o‘tkazilayotgan "Yosh qutqaruvchi" musobaqasi Namangan viloyati misolida
2026-01-30 11:45:00 / Yangiliklar
Yoshlarni harbiy-vatanparvarlik ruhida tarbiyalash, ularda yong‘in xavfsizligiga oid bilim va ko‘nikmalarni shakllantirish, favqulodda vaziyatlarda to‘g‘ri harakat qilish, o‘zi va boshqalarga yordam ko‘rsatish hamda qutqaruvchi kasbiga qiziqtirish maqsadida, joriy yilning 29-yanvar kuni Davlatobod tumani 90-sonli umumiy o‘rta ta’lim maktabida “Yosh qutqaruvchi” musobaqasining maktab bosqichi bo‘lib o‘tdi.
Musobaqa 3 ta shart asosida tashkil etildi: fuqaro muhofazasi bo‘yicha savol-javob, birinchi tibbiy yordam ko‘rsatish hamda yong‘in o‘chirish estafetasi. Unda maktabning 8 ta jamoasidan 64 nafar o‘quvchi ishtirok etdi. Tadbirni 480 nafar o‘quvchi va o‘qituvchilar kuzatib bordi.
Yakuniy natijalarga ko‘ra:
🥇 1-o‘rin — 10-“B” sinf “Yosh qutqaruvchi” jamoasi
🥈 2-o‘rin — 10-“A” sinf “Qalqonlar” jamoasi
🥉 3-o‘rin — 8-“A” sinf “Yosh iste’dodchilar” jamoasi
G‘olib va sovrindorlar diplom hamda esdalik sovg‘alari bilan taqdirlandi.
Ushbu musobaqalar shahar va tumanlardagi boshqa umumta’lim maktablarida ham davom ettirilmoqda.