“Iqlim o‘zgarishlariga bardoshli maktablar va jamiyat” loyihaviy dasturi amalda
2026-01-27 16:10:00 / Yangiliklar
Favqulodda vaziyatlar vazirligi Akademiyasi huzuridagi Fuqaro muhofazasi instituti UNICEF tashkiloti bilan hamkorlikda “Iqlim o‘zgarishlariga bardoshli maktablar va jamiyat” loyihaviy dasturi doirasida mahallalar va ularda joylashgan maktablarning iqlim o‘zgarishlarining salbiy oqibatlariga chidamliligini oshirish, o‘smirlar, yoshlar, nogironlar va ayollarning tabiiy ofatlar va texnogen halokatlar sharoitida to‘g‘ri harakatlanish bo‘yicha nazariy bilimlarini oshirish hamda amaliy ko‘nikmalarini hosil qilish, shuningdek, mahallalar va maktablarda favqulodda vaziyatlardan muhofaza qilishga oid targ‘ibot tadbirlarini amalga oshirib kelmoqda.
Mazkur loyiha doirasida 2026-yil 26-27-yanvar kunlari Surxondaryo va Qashqadaryo viloyatlari Favqulodda vaziyatlar boshqarmalarida mahalla vakillari, maktab o‘qutuvchilari, ko‘ngillilar va jamoatchilik faollari ishtirokida “Iqlim o‘zgarishi bilan bog‘liq ofatlar haqida xabardorlikni oshirish, iqlim o‘zgarishining salbiy o‘zgarishlariga moslashish, ularning taʼsirini kamaytirish choralari” mavzusiga bag‘ishlangan kirish seminar o‘tkazildi. Seminarda Favqulodda vaziyatlar vazirligi Akademiyasi huzuridagi Fuqaro muhofazasi instituti professor-o‘qituvchilari tomonidan iqlim o‘zgarishlari va ularning oqibatlarini kamaytirish bo‘yicha mamlakatimizda amalga oshirilayotgan islohotlar hamda amaliy tadbirlar bo‘yicha ma’ruzalar qilindi. Seminar ishtirokchilarining mavzu yuzasidan qiziqtirgan barcha savollariga mutaxassislar tomonidan javoblar va tushuntirishlar berib oʻtildi.