Favqulodda vaziyatlar vazirligining hududiy va tarkibiy tuzilmalarida "Kitob yarmarkasi', "Mutolaa soati", "Kitob taqdimoti" kabi ma'naviy-ma'rifiy tadbirlari o‘tkazilmoqda
2026-01-27 11:20:00 / Yangiliklar
Mazkur tadbirlar xodimlar o‘rtasida kitobxonlik madaniyatini yuksaltirish, ularning dunyoqarashini kengaytirish, intellektual salohiyatini oshirish hamda ma’naviy-ma’rifiy muhitni mustahkamlashga xizmat qilmoqda. Tadbirlar doirasida badiiy, ilmiy-ommabop va ma’naviy-ma’rifiy yo‘nalishdagi adabiyotlar namoyish etilib, yangi nashrlar taqdimoti o‘tkazilmoqda, mualliflar hayoti va ijodiga bag‘ishlangan suhbatlar tashkil etilmoqda.
Shuningdek, “Mutolaa soati” jarayonlarida xodimlar tomonidan tanlangan asarlar yuzasidan fikr almashilib, o‘qilgan kitoblarning hayotiy ahamiyati va tarbiyaviy jihatlari muhokama qilinmoqda. Ushbu tadbirlar xodimlarning bo‘sh vaqtini mazmunli tashkil etish, ijtimoiy faolligini oshirish hamda ma’naviy barkamol kadrlarni shakllantirishga muhim hissa qo‘shmoqda.