Namangan viloyati Favqulodda vaziyatlar boshqarmasida OAV vakillari, jurnalist va blogerlar ishtirokida ochiq muloqot bo‘lib o‘tdi.
2026-01-21 12:45:00 / Yangiliklar
Namangan viloyati Favqulodda vaziyatlar boshqarmasida "Yong‘in, chaqnash, is gazidan va ovqatdan zaharlanish bilan bog‘liq favqulodda vaziyatlarning oldini olish, shuningdek, yangi qurilayotgan maskanlarda yong‘in xavfsizligi qoidalariga rioya etilishi hamda boshqa favqulodda vaziyatlarning oldini olish bo‘yicha amalga oshirilayotgan ishlar" mavzusida OAV vakillari, jurnalist va blogerlar ishtirokida ochiq muloqot bo‘lib o‘tdi.
Media tadbirda dastlab kun tartibidagi masalalar yuzasidan soha mutaxassislarining axborotlari tinglandi. Shundan so‘ng, Namangan viloyati FVB boshlig‘i ishtirokchilar bilan samimiy suhbat qurib, sohadagi yangiliklar, amalga oshirilayotgan ishlar va kelgusi rejalar haqida batafsil maʼlumot berdi.
Ochiq muloqot davomida viloyat FVB hamda media sohasi o‘rtasidagi hamkorlikni yanada mustahkamlash, targ‘ibotni kuchaytirish yuzasidan fikr almashildi hamda OAV xodimlari, ijtimoiy tarmoqlar faollarining savollariga atroflicha javoblar berildi.