Oʻzbekiston Respublikasi Qurolli Kuchlari tashkil etilganligining 34 yilligi va Vatan himoyachilari kuni munosabati bilan Favqulodda vaziyatlar vazirligida tantanali tadbir oʻtkazildi
2026-01-14 15:15:00 / Yangiliklar

Tadbir doirasida Oʻzbekiston Respublikasi Prezidentining "Oʻzbekiston Respublikasi Qurolli Kuchlari tashkil etilganining 34 yilligi hamda Vatan himoyachilari kuni munosabati bilan harbiy xizmatchilar va huquqni muhofaza qilish organlari xodimlaridan bir guruhini mukofotlash toʻgʻrisida"gi Farmoniga muvofiq,
“Jasorat” medali bilan taqdirlangan Buxoro viloyati Favqulodda vaziyatlar boshqarmasi Buxoro shahar favqulodda vaziyatlar boʻlimi katta yoʻriqchi-qutqaruvchisi – Amonov Nodirjon Ibodilloyevichga;
"Sodiq xizmatlari uchun" medali bilan taqdirlangan Oʻzbekiston Respublikasi Favqulodda vaziyatlar vazirligi boshqarma boshligʻi - Parpiyev Akmal Norkoʻziyevich va Sirdaryo viloyati Favqulodda vaziyatlar boshqarmasi Boyovut tumani favqulodda vaziyatlar boʻlimi smena boshligʻi - Egamberdiyev Xasan Qurolovichlarga;
“Shuhrat” medali bilan taqdirlangan Qashqadaryo viloyati Favqulodda vaziyatlar boshqarmasi boshligʻining birinchi oʻrinbosari – shtab boshligʻi - Ostonov Mirzoxid Yoriyevich va Toshkent shahar Favqulodda vaziyatlar boshqarmasi Yongʻin-qutqaruv otryadi qutqaruvchi-yoʻriqchisi - Xalenov Isaxon Maʼrufjanovichlarga davlat mukofotlari tantanali topshirildi.
Shuningdek, bir guruh harbiy xizmatchilar va xizmatchilar, vazirlik va idoralar vakillari Oʻzbekiston Respublikasi Qurolli Kuchlarining “Maʼnaviy-maʼrifiy ishlar aʼlochisi”, vazirlikning “Aʼlo xizmatlari uchun” koʻkrak nishonlari, esdalik qoʻl soati va nishoni, “Faxriy yorliq” va ofitserlar navbatdagi harbiy unvonlarni tantanali tarzda qabul qilib oldilar.









