"Xalq va armiya - bir tan, bir jon" shiori ostida OAV vakillari, bloger va yoshlar uchun press-tur tashkil etildi
2026-01-12 10:30:00 / Yangiliklar
Navoiy va Buxoro viloyatlari FVB hamda "LUOK" MCHJ obyektlarida favqulodda vaziyatlar markazi tomonidan "Xalq va armiya - bir tan, bir jon" shiori ostida OAV vakillari, bloger va yoshlar uchun press-tur tashkil etildi.
Unda ishtirokchilarga sohada amalga oshirilayotgan chora-tadbirlar, qutqaruv xizmati faoliyati, maxsus texnikalar va asbob-anjomlar, shuningdek, harbiy xizmatchilar va qutqaruvchilarga yaratib berilgan shart-sharoitlar toʻgʻrisida atroflicha maʼlumotlar berildi. Favqulodda vaziyatlarni bartaraf etishda qoʻllaniladigan texnika va asbob-uskunalar koʻrgazmasi tashkil etilib, amaliy va koʻrgazmali mashgʻulotlar namoyish etildi.
Shuningdek, ommaviy axborot vositalari vakillarining qiziqtirgan savollariga soha xodimlari tomonidan javoblar berildi.