FVV Akademiyasida “Milliy armiya — ona yurt qalqoni, tinchligimiz posboni!” shiori ostida maʼnaviy-maʼrifiy tadbir oʻtkazildi
2025-12-23 09:50:00 / Yangiliklar
Tadbirda Oʻzbekiston Yozuvchilar uyushmasi taniqli shoir va ijodkorlari, Akademiya rahbariyati, professor-oʻqituvchilari, kursantlar hamda OAV vakillari ishtirok etdi. Tadbirdan koʻzlangan maqsad vatanparvarlik ruhini yuksaltirish, yoshlarni milliy gʻoya va Vatanga sadoqat ruhida tarbiyalashdan iboratdir.
Ijodiy uchrashuv davomida ustoz oʻz asarlarida Vatanga muhabbat, milliy armiyaning jamiyat hayotidagi oʻrni, tinchlikni asrash gʻoyalari keng yoritilganini taʼkidladilar hamda oʻzlarining harbiy-vatanparvarlik ruhidagi sheʼr va hikoyalaridan ishtirokchilarni bahramand etdilar.
Tadbir doirasida yoshlarni vatanparvarlik ruhida tarbiyalashda adabiyotning oʻrni, ijodkor masʼuliyati va milliy qadriyatlarni asrash masalalari muhokama markazida boʻlib, muloqot jarayonida kursantlar oʻzlarini qiziqtirgan savollariga javoblar oldilar.
Uchrashuv yakunida bugungi yuqori saviyada tashkil etilgan tadbir uchun Akademiya rahbariyatiga minnatdorlik bildirib, yoshlar bilan esdalik suratlariga tushdilar.