O‘zbеkistоn Rеspublikаsi Favqulodda vaziyatlar vazirligi

Anjumanda so‘zga chiqqanlar tomonidan - Respublikamizda mavjud bo‘lgan juda ko‘p korxonalar, kimyo, gaz, neft va shunga o‘xshash sanoat tarmoqlardagi texnologik jarayonlar har xil yonuvchi moddalarni ishlatish bilan bog‘liq ekanligini, bunday moddalar suyuq (benzin, spirt, yog‘), gazsimon (ammiak, vodorod, propan), qattiq (ko‘mir, fosfor) ko‘rinishda bo‘lishi, ayrim ishlab chiqarish texnologik jarayonlar yuqori issiqlik darajasi va bosim bilan bog‘liq ekanligini, bu esa yong‘in va portlash xavfini keltirib chiqarishi mumkinligi ta’kidlandi.

Shuningdek, ishlab chiqarish sanoat korxonalarining ekologiya va atrof-muhitga ta’siri, Toshkent shahrida joylashgan o‘ta muhim va toifalangan obyektlar hamda ularning favqulodda vaziyatlarga tayyorgarligi, Toshkent viloyatida joylashgan o‘ta muhim va toifalangan obyektlar hamda ularning yong‘in xavfsizligini ta’minlashning dolzarb masalalari, xavfli ishlab chiqarish obyektlarida sodir bo‘lgan avariyalar va baxtsiz hodisalarning tahlillari, obyektlarda is gazi bilan zaharlanish hamda gaz-havo aralashmasi chaqnashi bilan bog‘liq favqulodda vaziyatlarning kelib chiqish sabablari va ularning oldini olish choralari xususida ham batafsil ma’lumotlar berildi.

Anjuman doirasida tashkil etilgan Akademiya professor-o‘qituvchilari va mustaqil izlanuvchilari hamda iqtidorli kursantlari tomonidan ishlab chiqilgan favqulodda vaziyatlarni oldini olish va yong‘in xavfsizligini ta’minlash tizimiga oid bir qator maketlar, ilmiy ishlanmalar, uslubiy qo‘llanmalar, zamonaviy axborot tenologiyalari dasturlari namoyishi anjuman ishtirokchilarida katta taassurotlar qoldirdi. Anjuman yakunida dolzarb mavzu yuzasidan bir qator qator olimlar va mutaxasislar tomonidan berilgan ma’lumotlar va asosida taklif va tavsiyalar ishlab chiqildi hamda kelgusida amaliyotga keng joriy qilishga kelishib olindi.