O‘zbеkistоn Rеspublikаsi Favqulodda vaziyatlar vazirligi

Mazkur vazifadan kelib chiqib, dunyodagi yetakchi vertolyot ishlab chiqaruvchilar bilan hamkorlikni yoʻlga qoʻyish, texnik va ekspluatatsion imkoniyatlarni chuqur oʻrganish hamda “narx – sifat – ishonchlilik – kafolat” tamoyillari asosida eng maqbul yechimlarni aniqlash boʻyicha aniq topshiriqlar berildi.

Shu munosabat bilan, bugun vazirlik Markaziy apparatida Favqulodda vaziyatlar vazirining birinchi oʻrinbosari polkovnik S.T.Zuparov va “Airbus Helicopters” kompaniyasi vakili Roman Lana oʻrtasida uchrashuv boʻlib oʻtdi.

Muloqot chogʻida “Airbus Helicopters” kompaniyasi bilan hamkorlikni nafaqat texnik vositalarni xarid qilish, balki uzoq muddatli strategik sheriklik, tajriba almashish, mutaxassislarni tayyorlash va xizmat koʻrsatish infratuzilmasini rivojlantirish masalalari muhokama qilindi.

Shu oʻrinda taʼkidlash joizki, soʻnggi yillarda Oʻzbekiston Respublikasi Favqulodda vaziyatlar vazirligi tizimida keng koʻlamli institutsional va funksional islohotlar amalga oshirilmoqda. Ushbu islohotlar aholining xavfsizligini taʼminlash, tezkorlikni oshirish, zamonaviy texnologiyalarni joriy etish hamda favqulodda vaziyatlarga javob berishning xalqaro standartlarga mos milliy tizimini shakllantirishga qaratilgan.